Sigrún Skvísa

bloggedí blogg

2008-03-05T21:19:00.005Z

Hæ

Ég veit það er langt síðan síðast en ég bara verð að setja inn nokkrar myndir af músinni minni. Hann er svo mikið krútt að ég gæti alveg étið hann! Svo er ég líka í fæðingarorlofi þannig að mér fannst alveg tilvalið að byrja aftur...sjáum hvað ég endist lengi.

Hérna er þessi elska á leikteppinu sínu...greinilega mikið stuð. Það er gaman frá því að segja að þegar hann vaknaði fékk hann algjört taugaáfall með þessar fígúrur í andlitinu og grenjaði fyrir allan peninginn.

Svo er ein hérna í lokin þar sem gaurinn er í Liverpool búningnum sínum að fara að horfa á leik með pabba sínum.

Já, þetta er s.s. litla músin mín hann Gils sem er svo mikið krútt.

Jæja...þetta er orðið ágætt fyrsta blogg í égveitekkihvaðlangantíma þannig að við látum þetta gott heita í bili.

kveðja, Sigrún

Nýjar myndir

2007-02-03T23:00:00.000Z

Hellúúú
Ég var að setja inn nýjar myndir, tvö ný albúm. Annað er úr partýi sem var hjá Marianne og Linn í lok október og hitt er úr afmælispartýi Maritar sem var núna í janúar. Nú þegar búið er að læsa síðunni þá ætlast ég til þess að það sé kommentað hjá mér!!

kveðja, Sigrún skvísa

handbolti og aftur handbolti

2007-01-14T12:46:00.000Z

Jæja...við kepptum við Fram í gær, sem endaði ekki nógu vel. Nenni ekki að tala meira um það. Það er svo aftur leikur hjá okkur á morgun í bikarnum við Val.

Ég fékk svo lánaða mynd af www.fram.is sem er hér til hliðar. Ég tók hana nú ekki af því að ég er á henni...þó svo að ég sé flott ;) Mig langaði meira að benda á það hvar manneskjan stendur...og hún heldur ennþá á boltanum!! Og þetta var dæmt mark. Þetta minnir mig á leikmann sem lék með ÍBV fyrir nokkrum árum, ætli það hafi ekki verið í kringum 2000, spilaði í hægra horni og var norsk...get ómögulega munað hvað hún heitir. Hún steig alltaf í annan fótinn inní teig þegar hún skaut og það var aldrei dæmd lína á hana...algjört svindl!!

Eníveis...það var nú svosem ekkert út af þessu einstaka atriði sem við töpuðum þessum leik...en eins og ég sagði áðan, þá nenni ég ekki að tala um það meir.

kveðja, Sigrún skvísa

Leyniorð

2007-01-10T15:20:00.000Z

Ég er búin að átta mig á því núna hvernig þetta virkar með læsinguna á síðunni. Ég þarf s.s. að setja email hjá þeim sem vilja lesa á lista hjá mér og þá fáið þið sendan link sem þið getið skoðað síðuna á. Þess vegna væri ágætt ef þið senduð mér póst frá því meili sem þið viljið hafa á þessum lista á sigrun.gilsdottir@kaupthing.com

Þessi læsing fer í gang þegar ég blogga næst (ég veit ekki hvenær það verður) og þá komist þið ekki inn nema vera með link.

Annars bið ég ykkur bara vel að lifa.
kveðja, Sigrún

Gleðilegt ár

2007-01-08T15:58:00.000Z

Gleðilegt ár gott fólk :D
Nú gæti ég farið að væla um hvað ég hef verið löt að blogga undanfarið...en ég ætla að sleppa því. Frekar að gleðjast yfir því að nú sé nýtt blogg senn að líta dagsins ljós.
Það væri nú kannski bara ágætt að fara aðeins yfir liðið ár.
Ég byrjaði árið 2006 á því að taka sjálfa mig aðeins í gegn og breyta aðeins mínu hugarfari. Ný fyrirmynd í mínu lífi varð Elle Woods í sambandi við mannleg samskipti, þ.e. ég ákvað að reyna að vera jákvæðari og glaðari (eins og það hafi verið hægt, hehe). Það kom skemmtilega á óvart hvað allt í daglegu amstri varð auðveldara og skemmtilegra...auðvitað komu stundir inn á milli sem maður réð ekki alveg við neikvæðnina, en þær stóðu stutt yfir.
Svo maður stikli nú aðeins á stóru þá varð mamma mín sextug í febrúar og fórum við fjölskyldan út að borða í tilefni að því, mjög gaman. Jóna vinkona mín var kosin ungfrú Reykjavík í mars og árshátíð KB banka (eins og fyrirtækið hét þá) var einnig haldin í mars.
Í maí var ekki mikið gert...Gísli minn átti afmæli og ég pantaði mér far til Köben.
Í júní var ég svo í sumarfríi og fór ég til Köben og átti þar góða daga með Hörpu...versluðum eins og óðar konur. Einnig hitti ég Arnar Þór frænda minn og kíkti ég aðeins út á lífið með honum. Er mikið fróðari um hommabari Köben eftir þetta;) Svo skelltum við Gísli okkur til London í fimm daga með tveggja daga fyrirvara...frekar næs að vera bara í sumarfríi og geta skroppið til útlanda með engum fyrirvara.
Í júlí var FH útilegan margfræga, sem ég ásamt fleirum í skemmtinefnd FH skipulögðum. Hún var haldin á tjaldstæði rétt fyrir utan Húsafell og var frábær mæting og alveg hrikalega gaman. Við í skemmtinefndinni eigum hrós skilið fyrir gott framtak og við reynum pottþétt að endurtaka þetta næsta sumar!! Eins var strandhandboltamót sem við FH skvísur tókum þátt í sem var mjög gaman.
Í september fór handboltinn á fullt. Gísli kláraði bóklegu atvinnuflugmannsprófin og ég færði mig til í vinnunni, fór úr deildinni Erlendar greiðslur í deildina Frágangur fjárstýringar, og er ég að fíla það mjög vel.
Í október átti ég afmæli, sem var nú eiginlega hápunkturinn, annars var það bara handbolti, handbolti og aftur handbolti.
Í nóvember fórum við Gísli í sumarbústað með Dröfn og Ómari í Þjórsárdag og var það bara alveg ágætt. Gísli fékk vinnu hjá Vodafone.
Í desember var það svo bara jólaundirbúningurinn og þess háttar...

Á nýju ári er síðan stefnan að taka sjálfa mig ennþá meira í gegn. Ég byrjaði í Rope Yoga í morgun og verð í því næstu átta vikurnar. Einnig verður matarræðið skoðað vandlega og gengur ágætlega að bæta það.

Síðan tilkynnist það hér með að þessi síða verður læst. Ég geri ráð fyrir því að hún læsist frá og með næstu færslu. Þeir sem hafa áhuga á að fá lykilorð geta skilið eftir email eða gsm númer í kommentum og ég sendi orðið eða bara sent mér meil á sigrun.gilsdottir@kaupthing.com og ég svara um hæl.

Ég bið ykkur vel að lifa...kveðja, Sigrún

Á lífi eftir jóga

2006-12-07T15:35:00.000Z

Úfff...ég fór í jóga, og ég er ennþá á lífi! Þetta var samt soldið spes. Við komum þarna inn og það var frekar þungt loft með mikilli reykelsislykt og biðum í einhverjum svona púðum eftir öllum. Svo talaði kennarinn við okkur og svo byrjaði tíminn. Hún var búin að láta okkur vita að hún hefði kveikt á ofnum svo það yrði heitt því þá hitnuðu vöðvarnir betur og væru betur undirbúnir fyrir æfingarnar...við erum að tala um það að það var fokkings 40 stiga hiti inn í herberginu!! Ég held að ég hafi aldrei svitnað eins mikið á allri minni ævi. Ennnn...þetta kom samt á óvart. Stirðleiki minn var ekki mikil hindrun, þó svo að það hafi örugglega gert mér erfiðara fyrir og þetta tók alveg á, þannig að þetta var bara ágætis æfing. Hefðum bara gott af því að gera þetta reglulega.

Síðan keypti ég mér jólatré!! Ég er ekkert smá ánægð með það, það er svo lítið og sætt :D Ég hélt við hefðum ekkert pláss fyrir jólatré þessi jólin þannig að ég lét Gísla lofa mér að fara í Blómaval og skoða tré svo ég gæti hætt að hugsa um þetta. Sú ferð endaði náttúrlega með því að kaupa tré. Það gerði það líka að verkum að ég var að taka til í íbúðinni til kl. hálftvö í nótt...en ég ætlaði ekki að gera það fyrr en um helgina. En...ég skreyti það bara í staðinn þá :)

Að lokum ætla ég að gefa hrós vikunnar, en það er hann Jóhannes í Bónus sem fær það, fyrir að gefa Mæðrastyrksnefnd og Hjálparstarfi Kirkjunnar 21 milljón króna í styrk. Það er sama upphæð og ríkissjóður þurfti að borga fyrir að endurskipa saksóknara í Baugsmálinu (eða eitthvað svoleiðis)...mér finnst það nokkuð gott hjá honum og ég fíla hann.

kveðja, Sigrún

Jóga!!

2006-12-04T17:15:00.001Z

Ég átti ekki von á því að þetta myndi gerast svona snemma á ævi minni en ég er að fara í jóga í kvöld. Ekki það að ég hafi ekki gott af því...ég er stirðari en allt, og örugglega með stærri vöðva en kvenlegt getur talist! Það er semsagt handboltaæfing dagsins að fara í jóga.

Svo verð ég nú bara að gefa hrós vikunnar, sem Fréttablaðið fær að þessu sinni fyrir sérdeilis góða umfjöllun um íslenska kvennalandsliðið í handbolta. Þeir meira að segja splæstu í ferð handa blaðamanni út til Rúmeníu sem kom með sjóðheitar fréttir af stelpunum alla vikuna. Mjög gott framtak hjá þeim, og bara vonandi að þetta sé framtíðin hjá þeim :) Það er allavegana jákvætt að stelpurnar séu farnar að fá sömu athygli og strákarnir, því guð má vita að þeir hafa fengið meiri umfjöllun en hollt getur talist.

Í dag eru 20 dagar til jóla. Það er minna en þrjár vikur! Ég er ekki byrjuð að kaupa jólagjafir, en það hlýtur að reddast...það gerir það alltaf.
Ég var hins vegar ekki eins framtakssöm um helgina og ég hafði vonast til að vera :( Reyndar var ég alveg dugleg...bara annars staðar en heima hjá mér. Fór nefninlega með Maríu mágkonu minni í Garðheima á laugardaginn og hjálpaði henni að kynna hundavörurnar sem hún og Héðinn eru að flytja inn. Það var rosa gaman en ég var svo búin á því þegar ég kom heim að ég gat mig hvergi hreyft. Það er nú samt ekkert mikil hætta á því að heimilisstörfin hlaupi frá manni þannig að ég redda þessu kannski eitthvert kvöldið bara í staðinn.

Jæja, við látum þetta gott heita í bili...verð að fara að ganga frá svo ég mæti nú ekki of seint í þetta jóga.
kveðja, Sigrún

ég hlakka svo til...

2006-11-29T16:54:00.000Z

Úfff...tíminn líður ekkert núna!! Ég var ekki komin heim til mín fyrr en rúmlega hálftíu í gærkvöldi en núna hefði ég getað farið heim úr vinnunni kl. fjögur...en þá er Gísli ekki búinn fyrr en fimm þannig að ég þarf að bíða eftir honum. Það þýðir að ég er búin að ráfa á milli hérna og blaðra við aðra sem eru að reyna að vinna ;) og tíminn líður frekar hægt. Þetta er nú samt alveg að taka enda...hann verður vonandi kominn eftir ca. korter.
Annars fór ég og verslaði í jólakort...keypti límmiða og alls konar drasl fyrir 15 jólakort, og ég ætla ekki að föndra fleiri en 15. Ég veit ekki alveg hvað ég þarf að senda mörg þannig að þeir sem fá ekki föndrað jólakort frá mér vita hvar þeir eru í forgangsröðinni...neinei, það er ljótt að segja þetta. Það fá vonandi allir á listanum mínum heimatilbúið jólakort frá mér.
Ég ætla að reyna að nota helgina vel, fyrsta fríhelgin mín í mjög langan tíma. Það sem er á dagskránni er: taka til og þrífa, búa til aðventukrans, búa til og skrifa jólakort, baka tvöfalda uppskrift af sörum, skreyta smá og fara á æfingu. Það kæmi mér ekki á óvart þótt eitthvað af þessu yrði að frestast til næstu helgar á eftir, en það á bara eftir að koma í ljós...það eru nú alveg heilar þrjár vikur til jóla!!

Jæja, ég ætla að drífa mig heim núna, sé ykkur síðar,
kveðja, Sigrún

Allt og ekkert...

2006-11-28T17:51:00.000Z

Ég er nú búin að bralla ýmislegt síðan síðast...en þar ber hæst sumarbústaðaferð um seinustu helgi. Ég var s.s. búin að leigja sumarbústað hjá KB banka í Þjórsárdal og brunuðum við Gísli þangað á föstudagskvöldið. Við vorum komin í bústaðinn um hálf níu leytið og það var svo mikið myrkur og það var alveg stjörnubjart, rosalega flott...og líka ógó kalt. Við höfðum það svo bara kósý og fórum frekar snemma að sofa. Svo á laugardeginum skelltum við okkur í pottinn og horfðum svo á tvo handboltaleiki í sjónvarpinu. Seinni partinn komu svo Dröfn og Ómar og við grilluðum, kíktum í pottinn og spiluðum svo. Síðan var bara haldið heim um hádegið á sunnudeginum eftir rosa góða helgi :)
Svo er ég með fréttir af honum Gísla mínum...hann er kominn með vinnu hjá Vodafone í þjónustuverinu hjá 365. Hann er s.s. á launum hjá Vodafone en svarar fyrir Stöð 2 og Fréttablaðið og þann pakka. Rosa flott hjá honum :)
Annars eru bara jólin á næsta leiti. Maður er bara ekki alveg að átta sig á þessu hvað tíminn líður hratt...á sunnudaginn næsta er fyrsti í aðventu og þá eru bara þrjár vikur til jóla!! Og ég ekki byrjuð á neinu...ætla nú reyndar aðeins að byrja að þrífa um helgina og kannski baka sörur :)

Annars hef ég nú ekki meira að segja í bili...þarf að fara að halda áfram hérna svo ég komist nú einhvern tímann heim úr vinnunni...er einmitt að fara í jólaföndur með vinnunni í kvöld, rosafjör.
Ég vil bara enda þessa færslu á að óska henni Ingibjörgu stórvinkonu minni innilega til hamingju með afmælið, en hún er 24 ára pæja í dag ;)

kveðja, Sigrún skvísa

Nýtt útlit

2006-11-20T19:17:00.000Z

Djö...ég er brjáluð núna...var búin að skrifa geðveikt mikið og svo datt það allt út, ég er ekki sátt!!

En...ég var að breyta aðeins útlitinu. Uppfærði bloggið mitt í eitthvað beta eitthvað dæmi sem gerir það að verkum að það er mikið auðveldara að breyta útliti og litum og svoleiðis. Reyndar er ég ekki alveg nógu sátt við litina, þetta er ekki alveg nógu bleikt fyrir minn smekk en við hljótum að bjarga því við tækifæri ;)

Jæja, ég nenni ekki að bulla meira...er búin að bulla nógu mikið þó svo að þið fáið ekki að njóta þess. Það er ansi þétt dagskráin í sjónvarpinu í kvöld þannig að ég bið bara að heilsa ykkur...það kemur kannski meira innan tíðar, þegar ég verð búin að jafna mig á fýlunni yfir því að bloggið mitt skyldi detta út.

kveðja, Sigrún skvísa

Sjóðheit

2006-10-27T23:18:00.000Z

Ég er bara sjóðheit í blogginu þessa dagana. Ég var nú bara aðeins að laga linkana og ákvað að henda inn smá kveðju.
Annars er nú ekki mikið að frétta frekar en venjulega. Það er nú bara frekar rólegt föstudagskvöld hér á Skúlaskeiðinu. Leikur hjá okkur FH skvísum á morgun við HK í Kópavogi...svo verður djammað ;) Ég er reyndar að fara í þrítugsafmæli hjá henni Thelmu sem vinnur með mér annað kvöld, en það verður bara upphitun fyrir svakalegt FH sykurpúða partý.
Jæja...best að fara að henda í þvottavél svo ég eigi nú föt til þess að keppa í á morgun.
kveðja, Sigrún skvísa

Hvað er að gerast hérna...!!

2006-10-24T16:41:00.000Z

Góðan daginn gott fólk
Það er óhætt að segja að myndirnar mínar hafi fallið í misjafnan jarðveg...en það er bara ágætt, þið hugsið kannski betur um hvernig þið hegðið ykkur drukkin næst...!!
Annars er ekkert að frétta, mér finnst ég hafa bloggað síðast í gær tíminn líður svo hratt...ég ætla s.s. að reyna að valda Ásdísi ekki vonbrigðum og reyna að vera duglegri að blogga...hún er víst sú eina sem les!!
Annars nálgast helgin óðfluga (...samt er bara þriðjudagur núna!!), bikarleikur annað kvöld við Akureyri í Krikanum og svo útileikur við HK á laugardaginn. Þegar sá leikur er búinn erum við búnar að spila 5 leiki á tveimur vikum...sem er ágætis keyrsla.
Eftir leikinn á laugardaginn er svo loksins tækifæri til þess að djamma eitthvað og ætla að ég skella mér í þrítugsafmæli.
Jæja, ætla að fara að koma mér úr vinnunni...
sjáumst síðar, Sigrún

Nýjar myndir

2006-10-20T12:56:00.000Z

Hæ
Var að setja nýjar myndir frá strandhandboltadjamminu sem var í sumar...loksins. Linkurinn er hér eða bara líka undir Myndir hérna vinstra megin fyrir neðan.

Annars er ekkert að frétta...en hér koma nokkrir punktar:
- handboltinn kominn á fullt, gengur svona misvel
- átti afmæli á mánudaginn
- Gísli búinn með öll prófin og þarf bara að fljúga aðeins til þess að verða atvinnuflugmaður!!
- búin að færa mig um set í vinnunni og er núna í deild sem heitir Frágangur Fjárstýringar

Jamm, þetta er svona það helsta...verð að halda áfram að vinna!
Endilega skoðið myndirnar...ég minni á að þetta er óritskoðað...nema náttúrlega myndirnar af mér ;)

Annars segi ég bara góða helgi,
Sigrún skvísa

Stjörnuspá dagsins :)

2006-08-31T11:07:00.000Z

Hæ
Hérna kemur stjörnuspá dagsins...myndir koma svo bráðlega (ef þið lesið stjörnuspána mína, vog, þá vitið þið að það er tómt bull).
Gjörið svo vel:

Hrútur (20. mars - 20. apríl): Þú ert óþolinmóður og fljótfær egóisti, góður að lofa öllu fögru, en fljótur að gefast upp og láta aðra þrífa upp skítinn. Þú ert keppnismaður og sérlega klár í að keppa við ranga aðila og slá tilgangslaus högg út í loftið. Þú ert kvikindi, en það hjálpar hversu einlægur, barnalegur og einfaldur þú ert.

Naut (20. apríl - 21. maí): Þú ert latur og þrjóskur, enda löngu staðnaður og fastur í sama farinu. Peningar og þægindi eru það eina sem þú hugsar um, enda háður nautnum, mat, sykri og skynörvandi efnum. Þú hreyfist ekki úr stað og selur sannfæringu þína hæstbjóðenda. Þú ert lítið betri en stífluð rotþró.

Tvíburi (21. maí - 20. júní): Þú ert eirðarlaus og yfirborðslegur, alltaf á hlaupum frá einu tilgangslausu verkefni í annað, með hundrað ókláruð járn í eldinum. Þú ert síljúgandi, enda sérfræðingur í að gefa loforð sem þú getur ekki staðið við. Vissulega ertu vel gefinn, en þú sóar hæfileikum þínum í blaður og óþarfa.

Krabbi (21. júní - 23. júlí): Þú þykist vera töff, en ert í raun aumingi og tilfinningasósa, og getur ekki talað og tjáð þig, nema með því að væla og kvarta. Þú ert fastur í fortíðinni og munt því fyrr en síðar kafna í drasli og gömlum minningum. Þegar þú reiðist þá fer allt í einn graut og upp blossar grimmd og hefnigirni. En svona dags daglega þá ertu fúll, þunglyndur og sjálfsvorkunnsamur.

Ljón (22. júlí - 23. ágúst): Þú ert eigingjarn og of upptekinn af eigin málum til að hafa áhuga á öðrum. Þú veist allt og hlustar ekki eða öskrar á andmælendur þína. Þú ert svo barnalegur, einlægur og trúgjarn, að það er augljóst að þú hefur aldrei fullorðnast. Þú ert latur, en þegar þú gerir eitthvað, þá gengur þú of langt.

Meyja (23. ágúst - 23. september): Þú ert einn leiðinlegasti maður í heimi, alltaf að kvarta, gagnrýna og skipta þér af fólki, en segir aldrei neitt sem gagnast öðrum. Þú ert alltaf á hlaupum, þykist vera duglegur, en gerir aldrei neitt af viti, ekki frekar en stormur í tebolla. Þú ert stressuð taugahrúga.

Vog (23. september - 22. október): Þú þykist vera ljúfur og vingjarnlegur, en ert í raun falskur og eigingjarn, brosir framan í fólk, en lýgur og ferð á bak við aðra. Það tekur þig óratíma að taka ákvarðanir, en þegar það loksins gerist, ertu óhagganlegur, enda of latur til að hugsa málin aftur og of upptekinn af því að smjaðra fyrir öðrum.

Sporðdreki (23. október - 21. nóvember): Þú ert frekur og valdasjúkur, færð einstök mál á heilann (þráhyggja) og ert því einhæfur og hundleiðinlegur. Þú ert ímyndunarveikur og tortrygginn, móðgast út af engu og gerir úlfalda úr mýflugu. Lífið er annaðhvort frábært eða ómögulegt. Þú ert eins og biluð plata, stöðugt að spila sama lagið.

Bogmaður (22. nóvember - 21. desember): Þú ert týpan sem grautar í öllu, en kann ekkert, enda alltaf á hlaupum úr einu í annað. Þú átt erfitt með að þekkja takmörk þín, ert agalaus, flýrð óþægindi og veist ekki hvernig þú átt að nýta hæfileika þína. Ef þú nærð tökum á einhverju, þá hleypur þú í verkefni sem þú ræður ekki við.

Steingeit (21. desember - 20. janúar): Þú ert stífur og vansæll vinnualki, fastur í tilgangslausum siðum og reglum, alltaf að skipta þér af öðrum og segja þeim að gera það sem þú getur ekki gert sjálfur. Þú ert snobbaður og þráir stöðutákn, enda með minnimáttarkennd sem þú heldur að hægt sé að breiða yfir með titlum og merkjavöru.

Vatnsberi (20. janúar - 19. febrúar): Þú ert sérvitur og skrýtinn og alltaf svo langt á undan samtímanum að enginn skilur þig eða getur notað hugmyndir þínar. Vissulega ertu svalur, en þú ert svo sjálfstæður, ópersónulegur og hræddur við raunverulegan innileika, að þú ert í raun alltaf einn, frosinn í einskis manns landi. Týndur á skýi í háloftunum.

Fiskur (19. febrúar - 20. mars): Þú ert rugluð og týnd sál og hefur ekki hugmynd um hvernig þú átt að nýta hæfileika þína eða í hvaða átt þú átt að fara. Þú vilt vera alls staðar og upplifa allt. En þar sem þetta er ómögulegt, þá fer allt í vitleysu. En það gerir ekkert til, þú ert sérfræðingur í sjálfsblekkingum og því að flýja raunveruleikann

Ótrúlegt en satt ;)

2006-08-10T16:37:00.000Z

Já gott fólk!! Nú erum við að skoða myndir sem flestir ættu að kannast við...allavegana þessa sem er lengra til vinstri. Þar horfum við á fjóra karaktera úr unglingasápunni geysivinsælu Beverly Hills 90210. Í efri röð til vinstri er aðalpersóna þáttarins, Brandon Walsh, sem leikinn er af Jason Priestley. Til samanburðar á hinni myndinni er sami leikari í dag, og leikur hann einmitt í þáttaröðinni Love Monkey sem er sýnd á Skjá einum á þriðjudögum kl. 22.30. Það eru ágætis þættir...en sýna ótrúlega vel hvað þessi annars geðþekki leikari hefur elst ekki svo vel... :/

Annað var það ekki...Gilsdóttir át.

Tvífarar???

2006-08-09T10:43:00.000Z

Einhverra hluta vegna finnst mér þessar tvær alveg eins. Þetta eru annars vegar Storm Large sem er að gera allt vitlaust í þættinum Rockstar Supernova og hins vegar ungstirnið og drykkju-/átröskunarsjúklingurinn Lindsay Lohan.
Dæmi nú hver fyrir sig. Þær eru kannski ekkert svo líkar á þessum myndum en alltaf þegar ég horfi á Rockstar og sé hana Storm þá minnir hún mig svo á Lindsay!!

Enn fleiri nýjar myndir

2006-07-12T21:00:00.000Z

Jæja...nú eru allar myndirnar mínar komnar inn, merktar NÝTT sem fyrr. Ég tek svo kannski einhverjar myndir í útilegunni...þær koma þá vonandi fljótlega eftir helgi.

Annars er ég komin með ógeð á að vera veik...er búin að vera heima í tvo daga. Ætla sko í vinnuna á morgun!! Er aðeins að reyna að hressa mig við samt núna...er að lita á mér augabrúnirnar og ætla að setja á mig maska á eftir, svo ætla ég í sturtu og svo blása og slétta á mér hárið. Kellurnar í vinnunni eiga eftir að halda að ég hafi verið í orlofi, en ekki veik!!

Svo er ég náttúrlega að horfa á Americas next top model...þannig að þetta verður bara stutt núna :)
síjú...

Fleiri nýjar myndir

2006-07-11T19:55:00.000Z

Hæbbs
Ég var að setja fleiri nýjar myndir inn, þær eru merktar NÝTT!!

Annars er bara mest lítið að frétta hjá mér...sumarfríið mitt búið :( Ég nýtti það nú samt vel, fór í geggjaða heimsókn til Hörpu í KÖBEN og hitti Arnar frænda. Svo skelltum við Gísli okkur til London í 5 daga sem var líka alveg geggjað. Ég er með myndir þaðan sem ég skelli inn við tækifæri.

HM búið...maður fylgdist náttúrlega með því. Komst eiginlega ekki hjá því. Það var veðbanki í vinnunni...ég lenti í öðru sæti á eftir Gunna Magg, hann rétt hafði þetta með einu stigi!! Ég fæ nokkrar flöskur í verðlaun sem koma að góðum notum ;)

Núna styttist líka í FH útileguna margfrægu. Eitt myndaalbúmið gefur nú góða mynd af því hvað við erum búin að leggja á okkur við að skipuleggja hana!! Við í skemmtinefndinni förum á föstudaginn til að koma öllu fyrir og gera allt tilbúið áður en allt fólkið kemur á laugardaginn. Það verður örugglega alveg geggjað...við erum búin að redda nánast öllu frítt fyrir mannskapinn, tjaldstæði, áfengi, mat og allt!!

En jæja...ætla að fara að leggjast uppí sófa og halda áfram að vera veik :)
kveðja, Sigrún veikaskvísa

Nýjar myndir

2006-06-12T23:19:00.000Z

Komiðið sæl gott fólk!

Þótt það sé langt síðan síðast þá er bara ótrúlega lítið að frétta hjá mér. Helsta ástæðan fyrir þessu bloggi mínu er sú að ég er búin að vera henda inn myndum og eru linkarnir hér til hliðar...förum nánar í það á eftir.

Ég er hins vegar að fara til KÖBEN á morgun. Veðrið í KÖBEN er búið að vera geggjað undanfarna viku og það á að vera geggjað allavegana fram á miðvikudag...vonandi eitthvað lengur. Ég verð fram á mánudag og ætla að reyna að nýta tímann vel. Annars vegar að heimsækja hana Hörpu mína og versla frá mér ráð og rænu og borða gott og drekka, og hins vegar að hitta Arnar Þór frænda minn, ef hann má eitthvað vera að því.

Fyrsti dagurinn minn í sumarfríinu mínu var í dag. Ég get ekki sagt að ég hafi nýtt hann sérstaklega vel. Er ennþá að jafna mig eftir partý sem ég hélt á laugardaginn. Þetta var án efa súrasta djamm sem ég hef farið á. Ég held að ég hafi aldrei drukkið eins mikið áfengi og á laugardaginn og aldrei tekið jafn mörg staup. Þetta byrjaði sem skemmtinefndardjamm og framan af vorum við bara þrjú, ég, Hafdís og Manni. Síðar bættist Ragnhildur við og svo Dröfn. Ég held að þetta hafi endað með að hátt í 30 manns hafi farið héðan í bæinn og ég veit ekki um helminginn af liðinu sem var hérna :/

Allavegana...myndirnar sem koma inn núna eru með link hér til hliðar. Þær eru merktar undir "NÝTT". Set kannski meira inn á morgun.

bleble...

Andinn kominn aftur...loksins

2006-05-05T08:49:00.000Z

Já, þá er bloggandinn loksins kominn yfir mig aftur :) Það er ekki alveg að ástæðulausu því að ég var að panta mér far til KÖBEN í sumar, nánar tiltekið 13. júní og ég ætla að vera í 6 daga að heimsækja hana Hörpu mína.
Alveg geggjað!! Við verðum tvær í fjóra daga að versla frá okkur allt vit og svo kemur Árni bakari á svæðið og þá verður væntanlega farið í flutningahugleiðingar því þau eru að fara að flytja heim um mánaðarmótin júní/júlí. Ég kannski hjálpa þeim smá...svo er aldrei að vita nema ég stingi þau bara af og heimsæki Arnar frænda minn, sem er að hommast í KÖBEN eins og hann orðaði það svo skemmtilega sjálfur :)

Annars voru páskarnir alveg frábærir. Það var aldeilis legið í leti því að mamma og pabbi fóru í sumarbústað og því var enginn til þess að elda páskamatinn handa mér :( En það reddaðist nú vegna þess að við fengum 4 páskaegg!! 3 nr. 7 frá Nóa Síríus og eitt svona rísegg frá Freyju. Við eigum ennþá eftir tvö Nóaegg, en þau eru vandlega geymd í frystinum.

Svo er boltinn búinn í bili...allavega að keppa. Maður fær víst aldrei frí frá æfingum. Við fengum reyndar þriggja vikna pásu frá hvor annarri eftir seinasta leikinn sem ég nýtti ótrúlega vel, var veik eiginlega allan tímann :( Er búin að vera með einhverjar magabólgur sem er ekki búið að vera neitt spes, ótrúlegt en satt!

Ég er farin að hlakka svo til sumarsins. Ég byrja í sumarfríi 12. júní og verð til 30. júní. Síðan fer ég náttúrlega til KÖBEN sem verður bara geggjað. Ég held að það verði ógó gott veður í sumar, sérstaklega þegar ég verð í sumarfríi :)
Ég er líka búin að kaupa mér ferð til Eyja um verslunarmannahelgina. Það verður algjört æði vonandi, ef það verður eitthvað eins og í fyrra. Dröfn og Ómar eru líka búin að kaupa sér far. Þá vantar bara Ragnhildi og þá er gengið síðan í fyrra mætt á svæðið. Helga Stína og Laugi verða vonandi ennþá í Eyjum þá...;)

Jæja, ég ætla að hætta þessu bulli...er að bíða eftir að Desperat Housewives byrji.
kveðja, Sigrún...á leið til KÖBEN!!

Helgin nálgast...

2006-03-31T13:55:00.000Z

Góðan og blessaðan daginn!!

Loksins kominn föstudagur :) Ég er ekki búin að vera eins virk í blogginu og ég hafði vonað...en ég reyni.

Hún Jóna sæta mín var kosin ungfrú Reykjavík í gærkvöldi. Innilega til hamingju með það elsku Jóna mín.
Þetta var ekkert smá flott hjá henni, var náttúrlega lang sætust og svo var hún líka kosin Aqualina stúlkan. Ég er svo stolt af henni...réði ekkert við tárin fyrir framan sjónvarpið í gær :)

Síðan er seinasti handboltaleikurinn á þessu tímabili hjá okkur FH skvísum á morgun. Það er nú eins gott að vinna hann og aðeins að reyna að bjarga andlitinu eftir vægast sagt hörmulega seinustu leiki!

Annars ætla ég nú bara að reyna að slaka á um helgina...kannski að fara að kaupa sjónvarpsskáp ef ég nenni. Ég er búin að vera svo ógeðslega þreytt og löt þessa vikuna að það eru varla til orð til þess að lýsa því. Stefni á að vera allavegana helmingi hressari í næstu viku...sjáum hvernig það gengur.

Ætla að láta þetta duga í bili
Góða helgi, strumparnir mínir :)
kveðja, Sigrún

Frábær dagur, maður!

2006-03-18T19:35:00.000Z

Ég átti frábæran dag í dag!!
Vaknaði kl. 9 og fór í sturtu og gerði mig reddí fyrir leik gegn ÍBV í Eyjum. Lögðum af stað frá Krikanum kl. 10.15. Vorum komnar á Bakki Airport kl. 11.45. Þar áttum við FH skvísur frábæran tíma saman...við spiluðum, fórum í kvikmyndaleik og borðuðum nesti saman. Kl. 14.30 var lagt af stað aftur í bæinn og var ég komin í Hafnarfjörður City kl. 16.00
Ekki nóg með að þetta hafi verið alveg frábær dagur...heldur fæ ég tækifæri til að endurtaka þetta allt saman á morgun. Reyndar verður ekki lagt af stað á Bakka nema það sé 100% öruggt með flug...en eins og þið sjáið er eintóm hamingja á þessum bænum :)
Ég ákvað svo að láta þessa mynd, sem var tekin á djamminu hjá okkur FH skvísum fyrr í vetur, fylgja með...mér fannst hún svo lýsandi fyrir daginn.

Er veik, með mikið meik og allt í steik

2006-03-17T19:03:00.000Z

Jamm, get ekki sagt að ég sé eitthvað ógó hress núna...er búin að vera heima veik í dag með kvef, hálsbólgu og hausverk. Er að fara til Vestmannaeyja í fyrramálið og get eiginlega ekki skrópað af því að Begga fer ekki með. Er búin að senda henni sms og spyrja af hverju??? En hún svarar mér ekki!! Beygla!!
Aðalfundur KB banka var núna áðan og voru bara góðar fréttir af honum...allir sáttir eftir því sem ég best veit.
Þarf að herða mig upp í að setja í vél svo dressið verði tilbúið fyrir morgundaginn en ég bara hreinlega nenni því ekki...ég er veik, for kræing át lát.
Var búin að lofa því að fara á bíl á morgun...fljúgum frá Bakka. Það er eins gott að það verði ekki hálka því að bíllinn minn er á sumardekkjum...og verður það áfram. Ég hafði nefninlega aðeins eitt mottó fyrir veturinn, og það var að láta bílinn ekki á vetrardekk.
Kannski ég láti eina mynd fylgja með svona í lokin...meira fyrir sjálfa mig, til að sýna að ég geti litið vel út þrátt fyrir erfiða tíma eins og núna.
En jæja...þangað til næst...veika skvísan

Nú skal bloggið tekið með trompi

2006-03-14T15:57:00.000Z

Sælt veri fólkið!!
Ég ákvað það núna áðan eftir smá umhugsun að fara að herða mig í þessu bloggi...enda ekki vanþörf á þar sem seinasta blogg kom í september eða eitthvað!! Það var annað hvort að taka þetta með trompi eða hætta þessu alveg.

Góður tími að byrja að blogga aftur þegar manni dettur ekkert í hug...hhmmm

Annars er von á fullt af myndun inn á næstunni...það sem bíður er afmæli Önnu Rutar (sem var b.t.w. í ágúst!!), óvissuferðardjamm með FH skvísum, annað djamm með FH skvísum, árshátíð KB banka og örugglega eitthvað meira so stay tuned!!

Það er nóg að gera...skólinn á fullu, sem ég er ekki alveg í stuði fyrir þessa dagana, boltinn á fullu og vinna á fullu.

Jæja, hef þetta ekki lengra í bili...
þangað til næst...hvenær sem það svosem verður...
Skvísan

Hjálp óskast!!

2005-11-11T14:44:00.000Z

Jæja, þetta helv... kommentakerfi fer nú bráðum að komast í lag. Ef þið viljið kommenta þá getið þið smellt á linkinn hér fyrir neðan og þá birtist annar linkur efst vinstra megin (fyrir ofan gestabókina...sem virkar ekki heldur :/ ) og þar getið þið kommentað. Annars...sá sem veit hvernig þetta er lagað má endilega hafa samband J
Úffff, þetta tekur bara á...bloggað annan daginn í röð!! Ég þarf margra mánaða pásu eftir þetta :D
Það er nú annars ekki meira að frétta síðan í gær. Það er starfsdagur KB banka á morgun og það verður örugglega voða ágætt og svo er verkefnavinna á sunnudaginn.
Ég er með svo mikinn hiksta núna að ég er eins og versti róni...ætla að fara fram og fá mér vatn svo ég verði búin að jafna mig áður en það verður boðið uppá bjór hérna kl. 15.30 J
Sjáumst síðar...Sigrún rónaskvísa J

Halló Halló

2005-11-10T15:29:00.000Z

Jæja...er ekki kominn tími á smá blogg?!? Annars hef ég nú svosem alveg reynt að blogga geðveikt mikið tvisvar, en það datt út og ég varð pirruð og nennti ekki að skrifa meira. Þess vegna er ég að skrifa þennan pistil í word núna.
Annars er nú bara mest lítið að frétta. Brjálað að gera...heppilegt að það er komin tveggja mánaða pása frá deildinni núna, þótt það sé soldið leiðinlegt. Ég fæ þá kannski smá meiri tíma fyrir skólann.
Fór í sólahringspróf í stjórnun yfir afmælishelgina mína, 15.-16. október og það gekk bara vel. Er ekki búin að fá einkunn fyrir það. Svo fór ég í próf í arðsemisgreiningu föstudaginn 21. október og það gekk ekki eins vel. Kennararnir mega nú bara skammast sín fyrir að koma með svona svínslegt og andstyggilegt próf. Ég held að enginn hafi náð að klára prófið og svo kom efni á prófinu sem var ekki einu sinni búið að kenna. Ég vissi svosem fyrirfram að ég myndi falla í þessu þar sem að ég náði bara að klára rúmlega 50% af prófinu, þannig að ég þyfti að hafa u.þ.b. allt rétt til þess að ná en prófeinkunn mín var 4. Kannski ekkert til þess að tala um en ég er bara þokkalega sátt að ná 4 af 5 mögulegum (hjá mér allavegana!!).

Jæja...nenni ekki meira í bili...þangað til næst (hvenær sem það nú verður)
Kveðja, Sigrún skvísa

Það er allt að verða vitlaust

2005-09-17T15:32:00.000Z

Já gott fólk...ég er bara alveg að fara á límingunum að fylgjast með fallslagnum í fótboltanum. Vil alls ekki að ÍBV falli og eins og staðan er núna þá virðist Fram falla með Þrótti. Mjög spennó!
Við FH skvísur vorum að keppa æfingaleik í gær...kepptum við færeyskt lið, sem var nú ekkert mjög öflugt. Fór svo á KB banka djamm sem var haldið á Nasa. Þar var allt frítt á barnum og Sálin var að spila. Frekar glatað samt eitt...kom þarna og ætlaði í fatahengið, þá kostar 200 kall að láta geyma jakkann. Allt frítt, nema fatahengið...frekar halló. Ekki það að ég sjái eitthvað eftir þessum 200 kalli.
Langar svo á Papaball í Krikanum í kvöld...veit samt ekki alveg hvort ég fer. Á að skila verkefni í skólanum annað kvöld og ég er ekki byrjuð á því þannig að ég veit ekki alveg hvað ég geri.
Annars ætla ég að halda áfram að horfa á sjónvarpið...þangað til næst...kveðja...Sigrún skvísa...

P.S. Ég fokkaði commentakerfinu eitthvað, unnið er að lagfæringu, vonandi kemst það í lag sem fyrst.

óli skóli

2005-09-05T13:37:00.000Z

Sælar
Ekki mikið að frétta hjá mér annað en það að ég er að byrja í skólanum í dag. Fór uppá Bifröst á föstudaginn á svona kynningardag og það var bara mjög gaman. Þekkti nú ekki marga en Kalli, kærastinn hans Ögmundar bróður hans Gísla, er að fara í þetta sama og ég og við vorum samfó uppeftir og svona og svo var ein sem er að vinna í Kringluútibúi KB banka sem ég tala oft við líka að fara í þetta...þannig að maður er nú ekki alveg einn. Kom mér reyndar á óvart hvað það var mikið af svona eldra fólki, þ.e. 50+. Ekki það að það sé eitthvað gamalt en þið vitið hvað ég meina...er það ekki? Held reyndar að ég hafi verið yngst þarna, er reyndar vön því að vera kjúklingurinn í hópnum...er yngst í vinnunni og svo var maður nú lengi yngstur í handboltanum þannig að maður þekkir þetta :)
Er nú reyndar strax farin að pæla í því að breyta aðeins náminu sem ég er að fara í. Ég er semsagt að fara í diplómanám í fjármálum og stjórnun og tekur tvö ár í fjarnámi. Það er hins vegar byrjað að kenna viðskiptafræði í fjarnámi líka (var bara hægt að taka 3. árið í fjarnámi) og mig langar eiginlega frekar í það. Fyrstu tvö árin eru alveg eins í þessu fyrir utan það að viðskiptafræðin tekur sumarannir líka þannig að ég hef svosem frest fram á vorið að ákveða mig alveg en ég sé hvernig þetta gengur í vetur og hvort þetta gengur upp vinnulega séð. Sumarannirnar eru nefninlega þannig að þær eru fimm vikur og maður þarf að vera uppá Bifröst þann tíma, þannig að ég þarf frí í vinnu og svoleiðis. En...höfum ekki áhyggjur af þessu núna, þetta er seinni tíma vandamál!
Annars veit ég ekki hvað ég verð dugleg að blogga í vetur. Það gæti nú verið ágætis afsökun að blogga aðeins þegar maður á að vera að læra, jú sí.
Svo er ég með myndir sem bíða eftir því að komast á netið. Þær eru síðan úr afmælinu hennar Önnu Rutar sem var haldið um seinustu helgi. Set þær inn við tækifæri :)
kveðja, Sigrún skólaskvísa

Allt að gerast

2005-08-25T19:10:00.000Z

Þá er maður sestur aftur fyrir framan tölvuna. Það er nú alveg slatti búinn að gerast þó svo ég hafi ekki bloggað...ég bara hreinlega hef ekki nennt því. En...við FH skvísur fórum á Akureyri seinasta fimmtudag til að taka þátt í Sjallamótinu. Við unnum alla okkar fjóra leiki og stóðum uppi sem Sjallamótsmeistarar. Svo var haldið smá geim á laugardagskvöldið þar sem fólk var í misgóðu ástandi. Ótrúlegt en satt þá var engin myndavél í för, sem betur fer gætu sumir hugsað! Já, gott fólk, fyrirsætur mínar voru í fríi þessa helgina en þær verða í fulle swing um þá næstu í afmælinu hennar Önnu Rutar. Haldið var heim á sunnudaginn og reyndist sú rútuferð sumum erfið, nefni engin nöfn. Maður var varla kominn heim þegar maður var farinn aftur, en ég skellti mér á FH-Val í Krikanum og sá FH strákana tryggja sér Íslandsmeistaratitilinn. Glæsilegt það!

Annars erum við bara að spila í RVK open. Spiluðum tvo leiki í gær og svo er einn á morgun, þá ræðst hvort við spilum á laugardaginn líka.

Við Gísli vorum að fá nýja þvottavél og þurrkara. Pabbi hans Gísla er semsagt að fara að leigja íbúðina sína út og er að tæma hana og við tókum að okkur þvottavélina og þurrkarann, ekki dónalegt það.

Svo vorum við að kaupa okkur nýjan bíl í dag...og þá meina ég glænýjan Toyota Yaris T sport. Akkúrat þegar ég hélt að ég gæti ekki orðið meiri skvísa, þá kaupi ég mér bara skvísubíl dauðans og er bara orðin helmingi meiri skvísa.

Eins og þið sjáið gott fólk...þá er greinilega allt að gerast á Skúlaskeiði 10. Haldið áfram að fylgjast með!
Gilsdóttir át

Nýtt blogg og nýjar myndir

2005-08-07T19:31:00.000Z

Jæja, ég er komin aftur á blogspot og ætla mjög líklegast að vera hér. Er orðin frekar leið á blog.central og ég hafði heldur ekkert betra að gera því að ég er búin að vera veik seinustu daga. Annars er ég bara ekki að nenna að blogga þessa dagana (eða mánuðina) en ég henti þó inn myndum. Ég setti inn myndir frá djammi okkar FH stelpna síðan 4. júní og svo setti ég inn nokkrar myndir af kisunum mínum.
En...ætla að halda áfram að vera veik...kveðja, Sigrún skvísa.

prufa

2005-08-05T23:09:00.000Z

Bara að prófa nýtt blogg...!